Monti de sabia

Monti de cape c'avarà mil'ani

ridote in polvere fina d'arzento,

monti che svola se lo vole el vento:

solo e ramengo per la sabia ardente

dove 'na volta respirava el mare,

dove 'na volta el se sentia ruzare,

solo e ramengo

in 'sto silenzio grando

vago sercando,

no' so che sercando

(...)

Monti de sabia eredità del mare,

senza spaventi, senza creste e buse

l'anima a mi come la sabia sluse

e come 'sta vostra sabia d'arzento

la speta, anch'ela,

che s'alza el so vento.

Gino Piva